ཨ་རི་ཁ་ལུ་ དམར་བསད་འབད་མི་ དོགས་ཅན་འཛིན་བཟུང་།

༉ སྤྱི་ཟླ་༤ པའི་ཚེས་༢ ཀྱི་དྲོ་པར་ ཁོ་རའི་གནས་ཚང་ དམར་བསད་འབད་བའི་ཤུལ་ལས་ གར་སོང་མེད་པར་ བྱོག་ཡར་སོང་མི་ དོགས་པ་ཅན་དེ་ སྤྱི་ཚེས་༣ ལུ་ མེ་རི་རྩེ་མོ་ལས་ ཁྲིམས་སྲུང་འགག་པ་གིས་ འཛིན་བཟུང་འབད་ཡོདཔ་ཨིན་པས།
ས་གནས་ཀྱི་ མི་སེར་ཚུ་གིས་ སྐྱོས་ལོ་༢༨ ལང་མི་ དོགས་ཅན་ཕོ་སྐྱེས་དེ་ འཛིན་བཟུང་འབད་ནིའི་ནང་ ཁྲིམས་སྲུང་འགག་པ་ལུ་ ཆ་རོགས་འབད་ཡོདཔ་ད་ དོགས་ཅན་ད་ེ་ འཛིན་བཟུང་འབད་བའི་སྐབས་ ཆང་འགྲངས་ཏེ་ཡོདཔ་ཨིན་པས།
ལོ་རྒྱུས་དང་འཁྲིལཝ་ད་ དོགས་པ་ཅན་གྱིས་ ཁོ་རའི་གནས་ཚང་ སྐྱེས་ལོ་༢༢ ལང་མི་དེ་ དམར་བསད་འབད་ཡོདཔ་སྦེ་ ཁ་བཟེད་ནུག་ཟེར་ཨིན་པས།
དོགས་པ་ཅན་དང་ ཚེ་འདས་དེ་ ཆུ་ཁ་རྫོང་ཁག་ སྦོང་སྒོ་ལས་ཨིནམ་ད་ ཚེ་འདས་དེ་ ཨ་རི་ཁ་ལུ་ མོ་རའི་མོ་སྤུན་དང་ སྐྱིདཔོ་དང་གཅིག་ཁར་ སྡོད་ཡོདཔ་ལས་ རྨགཔ་དང་གཅིག་ཁར་ མ་ཕྱད་པར་ ཧ་ལམ་ཡར་སོཔ་ཨིན་པས།
ཀུན་གསལ་གྱིས་གོ་མི་ ལོ་རྒྱུས་དང་འཁྲིལཝ་ད་ ཚེ་འདས་ཨམ་སྲུ་དེ་ མགུ་ཏོ་གུ་ རྨ་སྐྱོན་ལེ་ཤ་བྱུངམ་ལས་ ཁྲག་འཛགས་ཏེ་ ཤི་སོ་ནུག་ཟེར་ཨིནམ་ད་ རྐྱེན་ངན་བྱུངམ་ད་ ཁྱིམ་ནང་མོ་ར་རྐྱངམ་གཅིག་ སྡོད་ཡོད་པའི་གནས་ཚུལ།

About admin

Check Also

བདེ་ཆེན་གླིང་ལུ་ གླངམོ་ཆེ་དང་འབྲེལ་བའི་དཀའ་ངལ།

༉ པདྨ་དགའ་ཚལ་ བདེ་ཆེན་གླིང་མཁོ་ལོམ་རི་དང་ དགོན་པ་འུང་སྤྱི་འོག་༢ ནང་ གླངམོ་ཆེ་དང་འབྲེལ་བའི་ གནོད་ཉེན་དེ་ ཆེ་སུ་ཅིག་སྦེ་ཐོན་ཡོདཔ་ལས་ ས་གནས་ཀྱི་མི་སེར་ཚུ་ ཚ་གྱང་ལང་སྟེ་ ཡོདཔ་ཨིན་པས། མ་གཞི་ ནགས་ཚལ་འགོ་དཔོན་དང་ གཡུས་ཁའི་མི་ཚུ་གིས་ གླངམོ་ཆེ་ཚུ་ …

Leave a Reply

Your email address will not be published. Required fields are marked *