མཚོ་གླིང་མཁར་རྒཔོ་ལུ་ འདེམས་ངོ་གདམ་འཐུ་ནང་ དབང་ཚད་ལོག་སྤྱོད་འབད་བའི་སྐྱོན་བརྗོད།

སྤྱི་ཟླ་༣ པའི་ཚེས་༣ ལུ་ རྩི་རང་རྫོང་ཁག་ མཚོ་གླིང་མཁར་གྱི་ རྒེད་འོག་གདམ་ངོའི་འཛོམས་འདུ་ འགོ་འདྲེན་འཐབ་པའི་སྐབས་ འདེམས་ངོ་སྦེ་ གདམ་འཐུ་མ་གྲུབ་མི་ རྒྱལ་ཡོངས་ཚོགས་སྡེའི་ མི་ངོམ་ཅིག་གིས་ རྒེད་འོག་དེ་གི་རྒཔོ་ལུ་ ཉོགས་བཤད་བཀོད་མི་དེ་ནང་ གདམ་ངོའི་འཛོམས་འདུའི་བྱ་རིམ་སྐབས་ རྒཔོ་གིས་ ངན་ལྷད་དང་ དབང་ཚད་ལོག་སྤྱོད་འབད་བའི་ ཁ་ཉེས་བཀལ་ནུག།

ཉོགས་བཤད་ཡི་གུ་དེ་ཡང་ རྫོང་ཁག་བཙག་འཐུ་ཉོགས་སེལ་ཚོགས་ཆུང་ནང་ བཙུགས་ཡོདཔ་ཨིན་རུང་ ཚོགས་ཆུང་གི་ཁ་ཐུག་ལས་ གཞུང་འབྲེལ་ཐོག་ ཉོས་བཤད་ཐོ་བཀོད་མ་འབད་བར་ཡོད་ཟེར་ འཐུས་མི་ཚུ་གིས་ བཤདཔ་ཨིན་པས།

ད་རུང་ འཐུས་མི་ཚུ་གིས་ ཉོགས་བཤད་དེ་ ཐོ་བཀོད་མ་འབད་བའི་ཧེ་མར་ ཉོགས་བཤད་བཀོད་མི་དེ་ལུ་ ཁ་ཉེས་བཀལ་བའི་ གནད་དོན་དེ་ཚུ་ ངེས་བདེན་ཨིན་མེན་ ཞིབ་དཔྱད་འབད་དགོཔ་སྦེ་ སླབ་སྟེ་ཡོད་ཟེར་ཨིན་པས།

ཚོགས་རྒྱན་༤༣ གྱིས་ གདམ་ངོ་གྲུབ་མ་ཚུགས་མི་ རམ་ཀུ་མར་ ནིའུ་པ་ནི་གིས་ རྒཔོ་པ་སངས་ཐིང་ཏ་མང་ལུ་ གདམ་ངོའི་འཛོམས་འདུའི་ ཚོགས་རྒྱན་གྱི་ གྲུབ་འབྲས་ཚུ་ སྔ་གོང་ལས་ མངོན་ཤེས་འབད་བའི་ ཁ་ཉེས་བཀལ་ཡོདཔ་ད་ ཁོ་གིས་འབད་བ་ཅིན་ རྒཔོ་གིས་ ཚོགས་རྒྱན་བཙུགས་མི་ཚུ་ལུ་ འགྲུལ་འཕྲིན་བཏང་སྟེ་ ཁོ་གི་སྐོར་ལས་ མ་བདེན་པའི་ ལོ་རྒྱུས་ཚུ་ སླབ་ཐོག་ལས་ བརྙས་བཅོས་དང་ སྐུར་འདེབས་འབད་ནུག་ཟེར་ཨིན་པས།

ཚོགས་ཆུང་ལུ་ ཉོགས་བཤད་ཡི་གུ་བཙུགས་མི་དེ་ནང་ འཛོམས་འདུ་འགོ་མ་བཙུགས་པའི་ ཉིནམ་༡ གི་ཧེ་མར་ རྒཔོ་གིས་ ཁོ་ལུ་ འགྲུལ་འཕྲིན་ནང་ ཕམ་སོ་རུང་ སེམས་སྒྲིང་སྒྲི་སྡོད་དགོཔ་སྦེ་ སླབ་ནུག་ཟེར་ཨིན་བས།

ད་རུང་ ཉོགས་བཤད་བཀོད་མི་གིས་འབད་བ་ཅིན་ རྒཔོ་གིས་ སྒོ་གསར་གླིང་དང་ མཚོ་གླིང་མཁར་རྒེད་འོག་ལས་ མི་སེར་སྡེ་ཚན་ཅིག་ རྒཔོ་འབད་སར་འོང་སྟེ་ ཉོགས་བཤད་བཀོད་མིའི་ དོ་འགྲན་པ་ལུ་ རྒྱབ་སྐྱོར་འབད་དགོཔ་སྦེ་ ཨུ་ཚུགས་བསྐྱེད་ནུག་ཟེར་ཨིན་པས།

རྒཔོ་གིས་ དེ་སྦེ་སླབ་ད་ བདེན་འཛིན་རེ་མ་ཚུགས་རུང་ ཤུལ་ལས་ རྒཔོ་གིས་ ཚོགས་རྒྱན་བཙུགས་མི་ཚུ་ལུ་ འགྲུལ་འཕྲིན་བཏང་སྟེ་ ཁོ་རའི་རྒྱབ་སྐྱོར་པ་ཚུ་ ཁོ་དང་དོ་འགྲན་འབད་མི་ ཁ་ཐུག་ལུ་ འགྱོ་བཅུག་དོ་ཡོད་པའི་ ལོ་རྒྱུས་སླབ་སར་གོཝ་ད་ རྣམ་རྟོག་ལང་ཡི་ཟེར་ཨིན་པས།

ད་རུང་ ཁོ་གིས་ རྒཔོ་ལུ་ ཁ་ཉེས་བཀལ་མིའི་ནང་ འཛོམས་འདུ་འགོ་མ་བཙུགས་པའི་ཧེ་མར་ རྒཔོ་གིས་ ཁོ་ལས་ དངུལ་ཀྲམ་༢༥,༠༠༠ ནང་གསུག་དགོཔ་སྦེ་སླབ་ད་ ཁོ་གིས་ ངོས་ལེན་མ་འབད་ཟེར་ཨིན་པས།

རྒཔོ་པ་སངས་ཐིང་ཏ་མང་གིས་འབད་བ་ཅིན་ ཁོ་དང་ གདམ་ངོ་དེ་ ཧེ་མ་ལས་ར་ འཆམ་ཤོས་ཅིག་ཨིནམ་ལས་ བཙག་འཐུའི་ནང་ བཅའ་མར་གཏོགས་ནིའི་སྐོར་ བསླབ་བྱ་དགོཔ་སྦེ་སླབ་ད་ ཆ་རོགས་ཅིག་འབདཝ་ལས་ ཉམས་མྱོང་བརྗེ་སོར་འབད་ཡི་ཟེར་ཨིན་པས།

ཉོགས་བཤད་བཙུགས་མི་དེ་གིས་ ཁོ་ལུ་ ཁ་ཉེས་བཀལ་མིའི་ཐད་ལུ་ རྒཔོ་གིས་འབད་བ་ཅིན་ ཁོ་ར་ སྲིད་དང་འབྲེལ་བ་མེད་པའི་ འགོ་འཛིན་ཅིག་ཨིནམ་ ཧ་གོ་མི་ལུ་བརྟེན་ ཚོགས་རྒྱན་བཙུགས་པར་ མི་མངམ་འོང་ཐབས་ལུ་ ཚོགས་རྒྱན་བཙུགས་པར་ འོང་དགོཔ་སྦེ་ སླབ་ཡོདཔ་མ་ཚད་ ཚོགས་རྒྱན་སྐྱུར་མིའི་ ངོས་འཛིན་འདྲ་པར་ཡང་ བགོ་བཀྲམ་འབད་ཡི་ཟེར་ཨིན་པའི་གནས་ཚུལ།

About admin

Check Also

དགེ་ལེགས་ཕུག་ལུ་ ཆུ་རུད་བཀག་ཐབས་ཀྱི་ ཆུ་བྱག་དང་ ཆུ་ལམ་ལེགས་བཅོས་འབད་ནི།

ཁྲོམ་སྡེ་གིས་ ལོ་ཕྱེད་ཀྱི་ འཆར་དངུལ་བསྐྱར་ཞིབ་སྐབས་ ཉེན་ཅན་ས་ཁོངས་ཚུ་ནང་ ཆུ་རུད་བཀག་ཐབས་ཀྱི་ གཙོ་རིམ་སྒྲིག་ནི་ཨིན་པས། ༉ གནམ་བྱཱར་གྱི་སྐབས་ ཆུ་རུད་ལས་ ཉེན་སྐྱོབ་འབད་མི་ ཆུ་བྱག་ཚུ་ རམ་ཡར་སོཔ་ལས་ དགེ་ལེགས་ཕུག་ ནམ་མཁའ་གླིང་འདེམས་ཁོངས་ནང་ ཨའི་པོ་ལི་རོང་ཆུའི་ …

Leave a Reply

Your email address will not be published. Required fields are marked *