ལས་གཡོག་བྲློན་པོ་ ཉི་མ་སངས་རྒྱས་ཆེན་པོ་གིས་ སྒོ་འབྱེད་གནང་པའི་བསྒང་།

བཀྲིས་གཡང་རྩེ་རིག་གནས་མཐོ་རིམ་སློབ་གྲྭ་སྒོ་འབྱེད།

༉ སྤྱི་ཟླ་༨ པའི་ཚེས་༢༦ ལུ་ ལས་གཡོག་བློན་པོ་ ཉི་མ་སངས་རྒྱས་ཆེན་པོ་གིས་ བཀྲིས་གཡང་རྩེ་བཟོ་རིགས་བཅུ་གསུམ་སྤེལ་ཁང་ནང་སྦེ་ རིག་གནས་མཐོ་རིམ་སློབ་གྲྭ་ སྒོ་འབྱེད་གནང་ཡོདཔ་ཨིན་པས།
མཐོ་རིམ་སློབ་གྲྭ་དེ་གིས་ ལྷ་བྲིས་དང་ པ་ཏྲ་ འཇིམ་བཟོ་ལ་སོགས་པའི་ བཟོ་རིགས་བཅུ་གསུམ་ལས་རིམ་ནང་ ལོ་ངོ་༡ གི་རིང་ སློབ་སྦྱོང་གཏིང་ཟབ་སྦེ་ བྱིན་ནི་ཨིནམ་བཞིན་དུ་ ལས་གཡོག་ལྷན་ཁག་གིས་ ལག་ཁྱེར་གནང་པའི་ཤུལ་ལས་ སློབ་ཕྲུག་དེ་གིས་ རིག་གནས་ནང་ ལོ་ངོ་༣ གྱི་ མཐོ་རིམ་ཤེས་ཡོན་གྱི་དོན་ལུ་ ཐོ་བཀོད་འབད་ཚུགས་ནི་ཨིན་པས།
བཀྲིས་གཡང་རྩེ་རིག་གནས་མཐོ་རིམ་སློབ་གྲྭའི་ རྩ་གཞུང་དེ་ སྟག་རྩེ་སྐད་ཡིག་དང་ ལམ་སྲོལ་མཐོ་རིམ་སློབ་གྲྭ་གིས་ བཟོ་ནི་ཨིནམ་ད་ མཐོ་རིམ་ཤེས་ཚད་ལག་ཁྱེར་དེ་ འབྲུག་རྒྱལ་འཛིན་གཙུག་ལག་སློབ་སྡེ་གིས་ བྱིན་ནི་ཨིན་པས།
མཐོ་རིམ་སློབ་གྲྭ་དེ་གི་ སྡེ་ཚན་དང་པའི་ནང་ཡོད་མི་ སློབ་ཕྲུག་བུཚ་༦ དང་ བུམོ་༦ དེ་ སློབ་གྲྭ་ཁག་སོ་སོ་ལས་ སློབ་རིམ་༡༢ པ་ མཐར་འཁྱོལ་མི་ཚུ་ཨིན་པའི་གནས་ཚུལ།

About admin

Check Also

བཀའ་རྒྱ་ཁྱོམ་གྱིས་ དར་དཀར་ནང་གི་ སོ་ནམ་པ་ཚུ་ལུ་ ཆ་རོགས་འབད་ནི།

༉ ཐིམ་ཕུག་ བཀའ་རྒྱ་ཁྱོམ་ནང་ཡོད་པའི་ རང་བཞིན་སླར་འབྱུང་ཐོན་ཁུངས་ཀྱི་ རང་བཞིན་སོ་ནམ་དང་སྒོ་ནོར་ཐོན་སྐྱེད་བཙོང་ཁང་གིས་ དར་དཀར་ནང་གི་ སོ་ནམ་པ་ཚུ་ལུ་ ཚོང་འབྲེལ་གདོང་ལེན་བྱུང་མི་དེ་ སེལ་ཐབས་འབད་ནིའི་དོན་ལུ་ ཆ་རོགས་འབད་དོ་ཡོདཔ་ཨིན་པས། དེ་ཡང་ དར་དཀར་དཔལ་ལུ་ གཞི་བཙུགས་འབད་དེ་ཡོད་པའི་ དར་དཀར་སོ་ནམ་ཐོན་སྐྱེད་སྡེ་ཚན་གྱི་ རྒྱ་སྐྱེད་བཙོང་ཁང་བཟུམ་ཅིག་ཨིནམ་ད་ …

Leave a Reply

Your email address will not be published. Required fields are marked *