ཇ་པཱན་ཨ་ཀི་ཤི་ནོའི་སྲསམོ་མ་ཀོ་ ནངས་པར་ རྒྱལ་ཁབ་ནང་ཕེབས་ནི།

༉ ནངས་པར་ ཇ་པཱན་ཨ་ཀི་ཤི་ནོའི་སྲསམོ་ མ་ཀོ་མཆོག་ འབྲུག་རྒྱལ་ཁབ་ནང་ ཕེབས་ནི་ཨིན་པས།

དགུང་ལོ་༢༥ བཞེས་མི་ སྲསམོ་མ་ཀོ་དེ་ མི་དབང་མངའ་བདག་རིན་པོ་ཆེ་མཆོག་གི་ མགྲོན་བརྡ་གནང་མི་དང་འཁྲིལ་ སྤྱི་ཟླ་༦ པའི་ཚེས་༡ ལས་༧ ཚུན་ འབྲུག་ལུ་ གཟིགས་སྐོར་གནང་ནི་ཨིན་པས།
ཐིམ་ཕུག་ལུ་ བཞུགས་པའི་སྐབས་ སྲསམོ་མ་ཀོ་ རྒྱལ་ཡོངས་རྗེས་དྲན་མཆོད་རྟེན་ནང་ རྒྱལ་འཛིན་འབྲུག་མེ་ཏོག་འགྲེམ་སྟོན་ཐེངས་༣ པ་ འགོ་འབྱེད་ནང་ འབྱོན་གནང་ནིའི་ ལས་རིམ་ཡོདཔ་ཨིན་པས།
དེ་མ་ཚད་ སྲསམོ་མ་ཀོ་གིས་ ལམ་སྲོལ་དང་ རྒྱལ་རབས་ཅན་གྱི་ ས་གནས་ཚུ་ནང་ གཟིགས་སྐོར་གནང་ནི་ཨིན་པས།
སྲསམོ་མ་ཀོ་དེ་ རྒྱལ་སྲས་ཨ་ཀི་ཤི་ནོ་དང་ ལྕངམ་ཀི་ཀོ་གཉིས་ཀྱི་ སྲསམོ་ཨིན་པའི་ཁར་ ཁྲི་ཐོག་ཁར་བཞུགས་མི་ རྒྱལ་ཆེན་ཨ་ཀི་ཧི་ཏོ་དང་ རྒྱལ་ཆེན་གྱི་བཙུནམོ་ མི་ཅི་ཀོ་རྣམ་༢ ཀྱི་ དི་བུམོ་སྦོམ་ཤོས་ཨིན་པས།
འབྲུག་དང་ཇ་པཱན་རྒྱལ་ཁབ་༢ ཀྱི་བར་ན་ ཧེ་མ་ལས་ར་ ཟུང་ཕྱོགས་ཀྱི་ མཐུན་འབྲེལ་དམ་ཟབ་སྦེ་ གནས་ཏེ་ཡོདཔ་མ་ཚད་ སྲསམོ་མ་ཀོ་མཆོག་གི་ གཟིགས་སྐོར་ལུ་བརྟེན་ རྒྱལ་ཁབ་༢ ཀྱི་ མཐུན་ལམ་དང་ མཉམ་འབྲེལ་ཚུ་ སྔར་བ་ལྷགཔ་སྦེ་ རྩ་བརྟན་འགྱོ་ནི་གི་ རེ་བ་སཡོད་པའི་གནས་ཚུལ།

About admin

Check Also

དཔལ་འབྱོར་གོང་འཕེལ་ནང་ སོ་ནམ་ལས་སྡེ་གིས་ ལྷན་ཐབས་ཉུང་སུ་ལས་བརྒལ་མེདཔ།

༉ མ་གཞི་ སོ་ནམ་ལས་སྡེ་ནང་ རྒྱལ་ཁབ་ཀྱི་ ལས་མི་ཕྱེད་ཀ་དེ་ཅིག་ འབྲེལ་འཛིན་འབད་དེ་ཡོད་རུང་ དཔལ་འབྱོར་གོང་འཕེལ་གྱི་དོན་ལུ་ ཉུང་སུ་ཅིག་ལས་བརྒལ་ ལྷན་ཐབས་འབད་ནི་མེདཔ་ཨིན་པས། འཕྲལ་ཁམས་ཅིག་ཁར་ གསར་བཏོན་འབད་མི་ རྒྱལ་གཞུང་དངུལ་ལས་དབང་འཛིན་གྱི་ ལོ་བསྟར་སྙན་ཞུ་དང་འཁྲིལཝ་ད་ སོ་ནམ་ལས་སྡེ་ནང་ ལཱ་འབད་མི་ …

Leave a Reply

Your email address will not be published. Required fields are marked *