གནས་ཚུལ་མདོར་བསྡུས།

༉ སྤྱི་ཟླ་༧ པའི་ཚེས་༣༠ གི་ ཕྱི་རུའི་ཆུ་ཚོད་༥.༣༠ དེ་ཅིག་ཁར་ ཀུར་རི་ཟམ་པའི་ལྟག་ལུ་ ཁ་ལང་ཟིའི་ ས་གོ་ནང་ སྣུམ་འཁོར་བོ་ལི་རོ་ཅིག་ ལམ་འོག་ལས་མར་ རྦོབ་རིལ་ཡར་སོཔ་ལས་ སྐྱེས་ལོ་༥ ལང་མི་ བུམོ་ཅུང་ཅིག་ ཁ་འཐུམ་མར་བསད་ནུག།
ཚེ་འདས་བུམོ་བརྩིས་ཏེ་ ལམ་འགྲུལཔ་༥ འབག་མི་ སྣུམ་འཁོར་དེ་ ལམ་འོག་ལས་མར་ མི་ཊར་༧༠ དེ་ཅིག་གི་ས་ཁར་ རྦོབ་རིལ་སོང་ཡོདཔ་ད་ དེད་གཡོགཔ་དང་ ཕོ་སྐྱེས་༡ དེ་ལས་ ཨམ་སྲུ་༢ ད་ལྟོ་ མོང་སྒར་ལུང་ཕྱོགས་གཙོ་བསྟེན་སྨན་ཁང་ནང་ སྨན་བཅོས་དང་ བརྟག་དཔྱད་ཚུ་ འབད་བའི་བསྒང་འདུག།
ཁྲིམས་སྲུང་འགག་པ་གིས་ སླབ་དོ་བཟུམ་འབད་བ་ཅིན་ སྣུམ་འཁོར་དེ་ ཀུར་རི་ཟམ་པ་ལས་ མོང་སྒར་ཁ་ཐུག་ལུ་ ལོག་འགྱོ་བའི་སྐབས་ རྐྱེན་ངན་བྱུང་ནུག་ཟེར་ཨིནམ་ད་ དེ་བསྒང་ ཚེ་འདས་བུམོ་དེ་ སྤུན་ཆ་ཚུ་དང་མཉམ་ མོང་སྒར་ལས་ ས་གླིང་རྒེད་འོག་ ཁྲི་དྭངས་སྦི་གཡུས་ཚན་ནང་ ཉེ་མཚན་ཕྱད་པར་སོང་ནུག་ཟེར་ ཨིན་པའི་གནས་ཚུལ།

About admin

Check Also

རྫོང་ཁའི་རྩ་གཞུང་ སྤྲོ་བ་ཆེ་ཏོག་ཏོ་བཟོ་ནི།

༉ རྫོང་ཁའི་རྩ་གཞུང་ བསྐྱར་ཞིབ་འབད་དེ་ ལྷབ་མི་ཚུ་གིས་ ལྷབ་དགོ་བདེ་ཏོག་ཏོ་སྦེ་ བཟོ་ནི་ཨིནམ་མ་ཚད་ དུས་དང་བསྟུན་པའི་ རྩ་གཞུང་ཅིག་བཟོ་ནི་ཨིན་པས།རྩ་གཞུང་བཟོ་མི་ སྡེ་ཕྲན་གྱི་འགོ་དཔོན་ རྡོ་རྗེ་དང་འཁྲིལ་བ་ཅིན་ ན་གཞོན་སློབ་ཕྲུག་ཚུ་གིས་ རྫོང་ཁ་ལྷབ་ནི་ལུ་ སྤྲོ་བ་དེ་ཅིག་ར་མི་བསྐྱེད་པས་ཟེར་ཨིནམ་ད་ སྤྲོ་བ་བསྐྱེད་བཅུག་ནིའི་ བརྗོད་དོན་ར་ …

Leave a Reply

Your email address will not be published. Required fields are marked *