ཀུན་གསལ། – རྒྱལ་ཡོངས་ཉིན་བསྟར་གསར་ཤོག།
དཀའ་སྡུག་ཅན་གྱི་ གནས་སྟངས་ཚུ་ནང་ ཨམ་སྲུ་དང་ ཨ་ལོ་ཚུ་ལུ་ ཕན་ནུས་ཆེ་བའི་ ཉེན་སྐྱོབ་ཡོདཔ་ ངེས་བརྟན་བཟོ་ཐབས་ལུ་ རྒྱལ་ཡོངས་ཨམ་སྲུ་དང་ ཨ་ལོ་ལྷན་ཚོགས་ཀྱིས་ གནས་ཚད་དང་ལྡན་པའི་ ལག་ལེན་གྱི་ བྱ་བའི་གནད་སྤྱོད་ཅིག་ བརྩམས་ཡོདཔ་ད་ དེ་གི་སྐོར་ལས་ ཁ་ཙ་ བཀྲིས་སྒང་ལུ་ ཉིན་གྲངས་༡ གི་རིང་ གོ་བརྡའི་ལས་རིམ་ཅིག་ འགོ་འདྲེན་འཐབ་མི་དེ་ནང་ བཀྲིས་སྒང་དང་ བཀྲིས་གཡང་རྩེ་ མོང་སྒར་ བསམ་གྲུབ་ལྗོངས་མཁར་ ལྷུན་རྩེ་ པདྨ་དགའ་ཚལ་ བུམ་ཐང་རྫོང་ཁག་ཚུ་ལས་ སློབ་གྲྭའི་བསླབ་སྟོན་པ་༣༧ གྱིས་ བཅའ་མར་གཏོགས་ཡོདཔ་ཨིན་པས།
དེ་བསྒང་ ཞབས་ཏོག་བློན་པོ་ རྡོ་རྗེ་ཆོས་སྒྲོན་གྱིས་ བྱ་བའི་གནད་སྤྱོད་ཀྱི་ གོ་བརྡའི་ལས་རིམ་ནང་ བཅའ་མར་གཏོགས་མི་ བསླབ་སྟོན་པ་ཚུ་དང་ ཞལ་འདྲིས་གནང་ཡོད་པའི་གནས་ཚུལ།
