གནས་ཚུལ་མདོར་བསྡུས།

སྤྱི་ཟླ་༥ པའི་ཚེས་༡༩ ལུ་ སྤུ་ན་ཁ་རྫོང་ཁག་ ཆོས་འཁོར་ཐ་གླིང་དགོན་པའི་ ལྷ་ཁང་ཐོག་ཚད་༢ འབད་མི་ཅིག་དང་ གྲྭ་ཤག་དེ་ མེ་རྐྱེན་གྱིས་ ཐལ་བར་བརླགས་བཏང་ཡོདཔ་ད་ རྫོང་ཁག་རྐྱེན་ངན་འཛིན་སྐྱོང་འགོ་དཔོན་ ཚེ་དབང་ཕུན་ཚོགས་ཀྱིས་ སླབ་མིའི་ནང་ མེ་རྐྱེན་དེ་ དེ་ཚེ་ཕྱི་རུའི་ཆུ་ཚོད་༤.༡༥ དེ་ཅིག་ཁར་ གློག་རྒྱུན་ལུ་ སྐྱོན་ཞུགས་མི་ལས་ བྱུང་ནུག་ཟེར་ཨིན་པས། དགོན་པ་དེ་ལུ་ མེ་རྐྱེན་ཤོར་བའི་སྐོར་ ལོ་རྒྱུས་གོཝ་ཅིག་ ཁྲིམས་སྲུང་འགག་པ་དང་ བདེ་སྲུངཔ་ རྫོང་ཁག་རྐྱེན་ངན་འཛིན་སྐྱོང་ཚོགས་པའི་འཐུས་མི་ ཞི་གཡོགཔ་ཚུ་གིས་ དགོན་པ་དེ་ནང་ མེ་བསད་པར་ ཚ་ངེར་བཏོན་ཏེ་ སོང་ཡོད་རུང་ ནུབ་མོའི་ཆུ་ཚོད་༡༠.༣༠ དེ་ཅིག་ལས་བརྒལ་ མེ་བསད་མ་ཚུགས་ཟེར་ཨིན་པས།
སྤྱི་ཟླ་༥ པའི་ཚེས་༢༠ ལུ་ ཁྲིམས་སྲུང་འགག་པ་དང་ བདེ་སྲུངཔ་ རྫོང་ཁག་འགོ་དཔོན་ཚུ་གིས་ ལྷ་ཁང་འཚིགས་ཤུལ་ཚུ་ སོལ་ཡོདཔ་ད་ སྤྱི་ལོ་༢༠༡༤ ཟླ་༡༢ པའི་ནང་ སྒོ་འབྱེད་འབད་མི་ ལྷ་ཁང་དེ་ སྤུ་ན་ཁ་ལས་ ཀི་ལོ་མི་ཊར་༡༥ དེ་ཅིག་ཡོད་མི་ གུ་མ་རྒེད་འོག་ནང་ཡོདཔ་ཨིན་པའི་གནས་ཚུལ།

About admin

Check Also

སྣུམ་འཁོར་ཤུགས་ཚད་དང་ལྡནམ་སྦེ་གཏང་དགོ་པའི་ཞུ་བ།

༉ ཤར་ཕྱོགས་དང་ ནུབ་ཕྱོགས་ཀྱི་བར་ན་ གཞུང་ལམ་རྒྱ་སྐྱེད་འབད་དོ་ཡོདཔ་ལས་ ཕར་ཚུར་རྒྱུན་འགྲུལ་འཐབ་མི་ཚུ་ལུ་ དུས་ཡུན་མར་ཕབ་འབད་ནི་དང་ སྣུམ་འཁོར་ཚུ་ཡང་ འཁོར་ལམ་ལེགས་ཤོམ་ནང་ འགྲོ་འགྲུལ་འབད་ནིའི་ གོ་སྐབས་ཡོདཔ་ལས་ ག་རང་ལུ་ ཁེ་ཕན་བྱུང་ཡོདཔ་ཨིན་རུང་ སྣུམ་འཁོར་ཤུགས་ཚད་དང་ལྡནམ་སྦེ་ མ་གཏང་པ་ཅིན་ ཐུག་རྐྱེན་འབྱ྄ང་ཉེན་སྦོམ་འདུག་ཟེར་ཞུ་ནི། …

Leave a Reply

Your email address will not be published. Required fields are marked *