རང་ལུགས་ཀྱི་ ཞབས་ཁྲའི་དཔེ་དེབ་ཅིག་ གསར་བཏོན་འབད་ཡོདཔ།

༉ སྤྱི་ཟླ་༡༢ པའི་ཚེས་༡ ལུ་ ཐིམ་ཕུག་ འབྲུག་གླུ་གར་དབྱངས་རྩལ་ལྟེ་བ་གིས་ རང་ལུགས་ཀྱི་སྙན་ཆ་དང་ཞབས་བྲོའི་རིགས་ཚུ་ ཉམས་སྲུང་འབད་ནིའི་དོན་ལུ་ རང་ལུགས་ཀྱི་ཞབས་ཁྲའི་ དཔེ་དེབ་ཅིག་ གསར་བཏོན་འབད་ཡི།
དཔེ་དེབ་དེ་ནང་ རང་ལུགས་ཀྱི་ཞབས་ཁྲའི་རིགས་དང་ རྒྱལ་པོའི་བརྟན་ཞུགས་ཀྱི་ གདངས་དབྱངས་བརྩམས་མི་ ཨ་ཁུ་དཀྲོངས་མི་གི་སྐོར་ལས་ བྲིས་ཏེ་ཡོདཔ་ད་ མ་འོངས་པའི་ན་གཞོན་ཚུ་གི་ རང་ལུགས་ཀྱི་ཞབས་ཁྲའི་སྐོར་ལས་ཤེས་ཚུགས་ནི་ཨིན་པས།
འབྲུག་གླུ་གར་དབྱངས་རྩལ་ལྟེ་བ་གིས་ གནས་ཚུལ་གསར་བཏོན་འབད་མི་དང་འཁྲིལཝ་ད་ རྒྱལ་ཁབ་ནང་ ཕྱིའི་ཞབས་ཁྲ་དར་ཁྱབ་སོང་མི་དེ་གིས་ འབྲུག་རང་ལུགས་ཀྱི་ཞབས་ཁྲ་ ཉམས་འགྱོ་ནིའི་གུ་ལྷོད་ནུག་ཟེར་ཨིནམ་ད་ དཔེ་དེབ་དེ་གིས་ མ་འོངས་པའི་ན་གཞོན་ཚུ་གི་ རང་ལུགས་ཀྱི་ སྙན་ཆ་ལུ་སྤྲོ་བ་བསྐྱེད་ཐབས་ཀྱི་དོན་ལུ་ཨིན་ཟེར་ཨིན་པས།
དེ་མ་ཚད་ དཔེ་དེབ་ལུ་བརྟེན་ ཨ་ལོ་ཚུ་གིས་ རང་ལུགས་ཀྱི་ཞབས་ཁྲ་ཚུ་ སྦྱང་ཚུགས་ནི་ཨིནམ་ཚད་ དཔེ་དེབ་ཀྱི་མིང་གནས་ འབྲུག་པའི་ཞབས་བྲོ་ཟེར་བཞག་ཡོདཔ་ད་ དེ་ཡང་ རྒྱལ་ཁབ་ནང་ རང་ལུགས་ཀྱི་ཞབས་ཁྲ་ཚུ་ཉམས་སྲུང་འབད་མི་ རྒན་རྒས་ཚུ་ལུ་ གུས་བཏུད་ཞུ་ནིའི་དོན་ལུ་ཨིན་པས།
བརྡ་བརྒྱུད་མགྲིན་ཚབ་ རྟ་མགྲིན་དབང་ཕྱུག་གིས་ སླབ་མིའི་ནང་ རང་ལུགས་ཀྱི་ཞབས་ཁྲ་ཚུ་ སྣང་མེད་སྐྱུར་བཞག་མི་དེ་གིས་ ཞབས་ཁྲ་ཚུ་ མར་ཉམས་འགྱོ་དེས་ཟེར་ཨིནམ་ད་ ཞབས་ཁྲ་ལ་ལོ་ཅིག་ མཐའ་ཟུར་གྱི་གཡུས་ཚན་ཚུ་ནང་རྐྱངམ་གཅིག་མ་གཏོགས་ དར་ཁྱབ་དེ་ཅིག་ མིན་འདུག་ཟེར་ཨིན་པས།
ལྟེ་བ་དང་འཁྲིལ་བ་ཅིན་ དཔེ་དེབ་དེ་ ཨ་ལོ་ཚུ་གི་དོན་ལས་ སྙན་ཆ་དང་ཞབས་ཁྲའི་ལས་འགུལ་གྱིས་ སྤྱི་ལོ་༢༠༡༤ ལས་ འབྲི་ནིའི་འགོ་བཙུགས་ཡོདཔ་ད་ ཨ་ཁུ་དཀྲོངས་མི་དང་ ཁོ་རའི་བཟའ་ཚང་ལུ་ རྗེས་དྲན་གྱི་དོན་ལུ་ བྲིས་ཡོདཔ་ཨིནམ་པས།
དཔེ་དེབ་འབྲི་ནིའི་དོན་ལུ་ ལོ་༤ དེ་ཅིག་ འགོར་སོ་ཡི་ཟེར་ འགོ་དཔོན་ཅིག་གིས་ བཤད་པའི་ཁར་ དཔེ་དེབ་འབྲི་བའི་སྐབས་ ཨེ་མི་རི་ཀ་གི་རྩོམ་སྒྲིག་པ་༢ ཡང་ ཚུད་དེ་ཡོད་ཟེར་ཨིནམ་ད་ རང་ལུགས་ཀྱི་ཞབས་བྲོ་ཉམས་འགྱོ་བ་ཅིན་ འཛམ་གླིང་ནང་ གྱོང་རྒུད་སྦོམ་ཅིག་ ཨིན་མས་ཟེར་ཨིན་པས།
འབྲུག་གླུ་གར་དབྱངས་རྩལ་ལྟེ་བའི་ མདོ་ཆེན་བསོད་ནམས་རྡོ་རྗེ་གིས་ སླབ་མིའི་ནང་ རྒྱལ་ཁབ་ནང་ རང་ལུགས་ཀྱི་སྙན་ཆ་དང་ ཞབས་ཁྲ་གོང་འཕེལ་གཏང་དགོཔ་དེ་ ཁག་ཆེ་བས་ཟེར་ཨིནམ་ད་ རང་ལུགས་ཀྱི་ཞབས་བྲོ་དང་ སྙན་ཆ་དེ་ མ་འོངས་པའི་དོག་གཏད་ངོ་མ་ཅིག་ཨིནམ་ལས་ རྒྱལ་ཁབ་ཡར་རྒྱས་འགྱོཝ་ད་ ཉམས་སྲུང་འབད་དགོཔ་དེ་ ཁག་ཆེ་བས་ཟེར་ ཨིན་པའི་གནས་ཚུལ།

གནས་བརྟན་རྡོ་རྗེ།

 

About admin

Check Also

ས་པུ་ན་ སུ་བྷ་གིས་ ཨི་ཇིཔ་དང་གཅིག་ཁར་ རྩེད་འགྲན་འབད་ནི།

༉ ད་རེས་ནངས་པར་ བྷ་རེན་ལུ་སྦེ་ རྒྱལ་སྤྱི་པེ་ར་བེཊ་མིན་ཊཱོན་རྩེད་འགྲན་༢༠༢༢ ནང་ འབྲུག་ལས་ པེ་ར་བེཊ་མིན་ཊཱོན་རྩེད་མི་ ས་པུ་ན་ སུ་བྷ་གིས་ བཅའ་མར་གཏོགས་ཡོདཔ་བཞིན་དུ་ རྐྱང་འགྲན་ནང་ ཐེངས་༡ རྒྱལ་ཁ་ཐོབ་ནུག། འཕྲལ་མགྱོགས་ར་ རྩེད་འགྲན་འབད་ནི་ཨིན་མིའི་ནང་ …

Leave a Reply

Your email address will not be published. Required fields are marked *