ཀུན་གསལ། – རྒྱལ་ཡོངས་ཉིན་བསྟར་གསར་ཤོག།
༉ དུས་ཅིའི་ ཁྲུས་བབས་ངལ་གསོ་དེ་ རང་ཟླ་༨ པའི་ཚེས་༣ རེས་གཟའ་ཉི་མ་ལུ་ ཕོགཔ་བཞིན་དུ་ ཁྲུས་བབས་ཀྱི་ དུས་ཚོད་དེ་ དྲོ་པའི་ཆུ་ཚོད་༣ དང་སྐར་མ་༥༠ ལས་ འགོ་བཙུགས་ནི་ཨིནམ་ལས་ མི་ཚུ་གིས་ གདོང་ཕྱོགས་བྱང་ཁ་ཐུག་ལུ་བཏོན་ཏེ་ གཟུགས་འཁྱུ་བ་ཅིན་ ལུས་ངག་ཡིད་གསུམ་གྱི་ སྡིག་སྒྲིབ་ཚུ་དག་སྟེ་ བསམ་པའི་དོན་ཀུན་འགྲུབ་པའི་ རྟེན་འབྲེལ་ཡོད་ཟེར་ ཐིམ་ཕུག་སྤང་རི་ཟམ་པ་ རྩིས་གཞུང་སློབ་གྲྭའི་ རྩིས་སློབ་ཅིག་གིས་ བཤདཔ་ཨིན་པས།
རྩིས་སློབ་ཀྱིས་འབད་བ་ཅིན་ ཞག་༧ གྱི་རིང་ ཁྲུས་འབབ་པའི་སྐབས་ ཆུ་དང་རླུང་ཡན་ལག་༨ དང་ལྡན་ཞིང་ བདུད་རྩི་ལུ་ འགྱུར་འོང་ཟེར་ཨིན་པའི་གནས་ཚུལ།
