མི་དབང་རྒྱལ་ཡུམ་སྐུ་བགྲེས་མཆོག་གི་ དཔེ་དེབ་གསར་བཏོན།

༉ མི་དབང་རྒྱལ་ཡུམ་སྐུ་བགྲེས་ ཨ་ཞེ་སྐལ་བཟང་ཆོས་སྒྲོན་དབང་ཕྱུག་མཆོག་ དགུང་ལོ་༨༧ བཞེས་པའི་ འཁྲུངས་སྟོན་བརྩི་སྲུང་གི་དོན་ལུ་ རྒྱལ་བརྒྱུད་རྒྱལ་ཁབ་བྱིན་ཅན་གྱི་ སྲོག་ཤིང་ཟེར་བའི་ བརྗོད་དོན་ཐོག་ལས་ མི་དབང་རྒྱལ་ཡུམ་སྐུ་བགྲེས་ ཨ་ཞེ་སྐལ་བཟང་ཆོས་སྒྲོན་དབང་ཕྱུག་མཆོག་གིས་ འབྲུག་པའི་མི་སེར་དང་ རྒྱལ་ཁབ་ལུ་ སྐུ་ཚེའི་རིང་ ཕྱག་ཞུ་བའི་སྐོར་ དཔེ་དེབ་ཅིག་ ཁ་ཙ་ གསར་བཏོན་གནང་ཡོདཔ་ཨིན་པས།
མི་དབང་རྒྱལ་ཡུམ་སྐུ་བགྲེས་མཆོག་ སྤྱི་ལོ་༡༩༣༠ཟླ་༥ པའི་ཚེས་༢༡ ལུ་ སྐུ་འཁྲུངས་ཡོདཔ་ཨིན་པས།
ད་ལས་ཕར་ ཐིམ་ཕུག་དང་ སྤ་རོ་ལུ་ དཔེ་དེབ་ཚོང་ཁང་ཚུ་ནང་ལས་ འཐོབ་ཚུགས་ནི་ཨིན་མི་ དཔེ་དེབ་ཚུ་ རྒྱལ་ཁབ་ནང་འཁོད་ཀྱི་ སློབ་གྲྭ་ཁག་གི་ དཔེ་མཛོད་ཁང་ཚུ་ནང་ ཞལ་འདེབས་སྦེ་ བགོ་བཀྲམ་གནང་ནི་ཨིན་པས།
དཔེ་དེབ་གསར་བཏོན་གྱི་ རྟེན་འབྲེལ་ནང་ མི་དབང་རྒྱལ་བཙུན་མཆོག་གིས་ དབུ་གཙོས་པའི་ མི་དབང་རྒྱལ་ཡུམ་སྐུ་བགྲེས་མཆོག་དང་ མི་དབང་རྒྱལ་ཡུམ་ལྷན་རྒྱས་ མི་དབང་སྲས་སྲོས་ཚུ་ བྱོན་གནང་ཡོདཔ་མ་ཚད་ གཞུང་གྲྭ་ཚང་གི་ སློབ་དཔོན་དང་ བློན་ཆེན་ གཞུང་གི་དཔོན་ཁག་ཚུ་དང་ རྒྱལ་ཁབ་གཞན་ཚུ་ལས་ མི་དབང་རྒྱལ་ཡུམ་སྐུ་བགྲེས་མཆོག་ལུ་ ལེགས་སྨོན་ཞུ་མི་ཚུ་གིས་ཡང་ བཅའ་མར་གཏོགས་ཡོད་པའི་གནས་ཚུལ།

About admin

Check Also

སྣུམ་འཁོར་ཤུགས་ཚད་དང་ལྡནམ་སྦེ་གཏང་དགོ་པའི་ཞུ་བ།

༉ ཤར་ཕྱོགས་དང་ ནུབ་ཕྱོགས་ཀྱི་བར་ན་ གཞུང་ལམ་རྒྱ་སྐྱེད་འབད་དོ་ཡོདཔ་ལས་ ཕར་ཚུར་རྒྱུན་འགྲུལ་འཐབ་མི་ཚུ་ལུ་ དུས་ཡུན་མར་ཕབ་འབད་ནི་དང་ སྣུམ་འཁོར་ཚུ་ཡང་ འཁོར་ལམ་ལེགས་ཤོམ་ནང་ འགྲོ་འགྲུལ་འབད་ནིའི་ གོ་སྐབས་ཡོདཔ་ལས་ ག་རང་ལུ་ ཁེ་ཕན་བྱུང་ཡོདཔ་ཨིན་རུང་ སྣུམ་འཁོར་ཤུགས་ཚད་དང་ལྡནམ་སྦེ་ མ་གཏང་པ་ཅིན་ ཐུག་རྐྱེན་འབྱ྄ང་ཉེན་སྦོམ་འདུག་ཟེར་ཞུ་ནི། …

Leave a Reply

Your email address will not be published. Required fields are marked *