སྤྱི་འཛིན་དྲགོས་ དཔལ་འབྱོར་གྱིས་ རུ་པི་བརྗེ་སོར་གྱི་འབྲེལ་སྟེགས་ འགོ་འབྱེད་འབད་བའི་བསྒང་།

ཕུན་ཚོགས་གླིང་གི་ ནང་སྐྱོད་ཡིག་ཚང་ནང་ རུ་པི་བརྗེ་སོར་ཁང་སྒོ་ཕྱེ་ཡོདཔ།

ཁ་ཙ་ རྒྱལ་གཞུང་དངུལ་ལས་དབང་འཛིན་གྱིས་ ཕུན་ཚོགས་གླིང་ལུ་ ཕྱི་མི་ནང་སྐྱོད་ཡིག་ཚང་ནང་ རྒྱ་གར་གྱི་ཏི་རུ་ རུ་པི་བརྗེ་སོར་འབད་སའི་ འབྲེལ་སྟེགས་ཅིག་ འགོ་འབྱེད་འབད་ནུག།

ད་ལས་ཕར་ རྒྱ་གར་ལས་འོང་མི་ མགྱོནམ་དང་ལྟ་བཤལཔ་ ཆ་མཉམ་གྱིས་ བརྗེ་སོར་མཐུན་རྐྱེན་ཁང་ལས་ རུ་པི་ཚུ་ དངུལ་ཀྲམ་ནང་ བརྗེ་སོར་འབད་ཚུགས་ནི་ཨིནམ་ད་ འབྲེལ་སྟེགས་དེ་གིས་ རུ་པི་ལྔ་བརྒྱ་ལོར་ཚུན་ ངོས་ལེན་འབད་ནི་ཨིན་པས།

ཕུན་ཚོགས་གླིང་ལུ་ རྒྱལ་གཞུང་དངུལ་ལས་དབང་འཛིན་ཡིག་ཚང་གི་ ལུང་ཕྱོགས་མདོ་ཆེན་ རྡོ་ཕུག་རྡོ་རྗེ་གིས་ སླབ་མིའི་ནང་ ལྟ་བཤལཔ་གིས་ ནང་སྐྱོད་ཡིག་ཚང་ལས་ ཆོག་ཐམ་ཐོབ་པའི་ཤུལ་ལུ་ ཏི་རུ་བརྗེ་སོར་འབད་ཚུགས་ཟེར་ཨིན་པས།

ཏི་རུ་སྤྲོད་ལེན་འབད་སའི་ འབྲེལ་སྟེགས་༢ ཡོད་མི་དེ་ འགོ་དཔོན་ཚུ་གིས་ ལག་ལེན་འཐབ་ནི་ཨིནམ་བཞིན་དུ་ བརྗེ་སོར་ཁང་ སྒོ་ཕྱེ་དགོ་པའི་ གནད་དོན་གཙོ་བོ་ར་ ལྟ་བཤལཔ་ཚུ་ལུ་ སྟབས་བདེ་ཏོག་ཏོ་ འབྱུང་ཐབས་ལུ་དམིགས་ཏེ་ཨིན་ཟེར་ རྡོ་ཕུག་རྡོ་རྗེ་གིས་ བཤདཔ་ཨིན་པས།

བརྗེ་སོར་ཁང་ཚུ་ཡང་ རྒྱལ་གཞུང་དངུལ་ལས་དབང་འཛིན་གྱི་སྤྱི་འཛིན་ དྲགོས་དཔལ་འབྱོར་གྱིས་ འགོ་དབྱེད་འབད་ཡོདཔ་བཞིན་དུ་ འབྲེལ་སྟེགས་ཚུ་ སྒོ་ཕྱེ་བའི་ཤུལ་ལས་ རྒྱ་གར་གྱི་ ལྟ་བཤལཔ་ཚུ་གི་ མཐུན་རྐྱེན་དེ་ ལག་ལེན་འཐབ་ཡོད་པའི་གནས་ཚུལ།

About admin

Check Also

གསོ་རིག་གཙུག་ལག་སློབ་སྡེའི་ ལྕོགས་གྲུབ་གོང་འཕེལ་གཏང་ནི་ལུ་ གོ་བརྡའི་ཆིངས་ཡིག་གུ་ མཚན་རྟགས་བཀོད་ཡོདཔ།

༉ སྤྱི་ཟླ་༡ པའི་ཚེས་༣༠ ལུ་ གསོ་བའི་ཤེས་ཡོན་ལས་རིམ་ ཡར་དྲག་གཏང་ནི་ནང་ གསོ་བ་ལྷན་ཁག་དང་ གེ་སར་རྒྱལ་པོ་གསོ་རིག་གཙུག་ལག་སློབ་སྡེ་༢ མཉམ་འབྲེལ་གོང་འཕེལ་གཏང་ནིའི་དོན་ལུ་ གོ་བརྡའི་ཆིངས་ཡིག་ཅིག་གུ་ མཚན་རྟགས་བཀོད་ཡོདཔ་ཨིན་པས། གོ་བརྡའི་ཆིངས་ཡིག་ཅིག་གི་ དམིགས་ཡུལ་དེ་ཡང་ གསོ་བའི་ལས་བྱེདཔ་ཚུ་ལུ་ འཇོན་ཐངས་ཅན་དང་ …

Leave a Reply

Your email address will not be published. Required fields are marked *