དེད་གཡོགཔ་ཅིག་གི་ ཕུངམ་འཚོལ་ཐོབ་ཡོདཔ།

༉ ཁ་ཙ་ མོང་སྒར་ ཀུར་རི་ཆུ་གློག་མེའི་ ཆུ་རྫིང་ནང་ལས་ སྐྱེས་ལོ་༣༡ ལང་མི་ ཚེ་འདས་ཕོ་སྐྱེས་ཅིག་གི་ ཕུངམ་འཚོལ་ཐོབ་ཡོདཔ་བཞིན་དུ་ རྒྱལ་པོའི་ཞིང་གི་ ཁྲིམས་སྲུང་འགག་པ་གིས་ ཚེ་འདས་ཀྱི་ ཨ་པ་ལུ་ རྩིས་སྤྲོད་འབད་ཡི།

སྣུམ་འཁོར་ཊི་པར་ཊཱག་བཏང་མི་ ཚེ་འདས་ཕོ་སྐྱེས་དེ་ སྤྱི་ཟླ་༥ པའི་ཚེས་༢༧ ལུ་ རྒྱལ་པོའི་ཞིང་ཁྲོམ་ལས་ ལོག་ རྩ་མང་རྒེད་འོག་ཁ་ཐུག་ལུ་ འགྱོ་བའི་ལམ་ཁར་ ཀུར་རི་ཆུ་ཟམ་བརྒལ་བའི་ཤུལ་ལུ་ འཁོར་ལམ་འོག་ལས་མར་ རྦོབ་རིལ་བའི་ རྐྱེན་ངན་ནང་ ཤི་རྐྱེན་བྱུང་ཡོདཔ་ཨིན་པས།
ཨིན་རུང་ ཚེ་འདས་དང་གཅིག་ཁར་ ལཱ་འབད་མི་ རྒྱ་གར་གྱི་ལས་མི་དེ་ ཀུར་རི་ཆུའི་ནང་ལས་ སྲོག་སྐྱབས་འབད་ཚུགས་ཡོདཔ་ཨིན་པས།
ཚེ་འདས་ཕོ་སྐྱེས་དེ་ མོང་སྒར་རྒེད་འོག་ ཝེང་མཁར་གཡུས་ཚན་ལས་ཨིནམ་བཞིན་དུ་ ཁོ་ལུ་ ཨམ་སྲུ་དང་ ཨ་ལོ་རྨས་སྐྱེས་གཅིག་ ཡོདཔ་ཨིན་པའི་གནས་ཚུལ།

བཀྲིས་ཕུན་ཚོགས།

About admin

Check Also

འབྲུག་པའི་ ཨམ་སྲུའི་ཕུཊ་བཱོལ་སྡེ་ཚན་ཚུ་གིས་ རྒྱལ་ཁ་ཐོབ་མ་ཚུགས་པར་ཡོདཔ།

༉ འདས་པའི་བདུན་ཕྲག་ལས་འགོ་བཙུགས་ སྤྱི་ཟླ་༣ པའི་ཚེས་༢༨ ཚུན་ བང་ལ་དེཤ་གི་རྒྱལ་ས་ ཌ་ཀ་ལུ་ རྒྱལ་སྤྱི་ཕུཊ༌བཱོལ་རྩེད་ཐང་ནང་སྦེ་ ལྷོ་ཨེ་ཤི་ཡཱན་ ཨམ་སྲུའི་ཕུཊ་བཱོལ་དོ་འགྲན་འབད་མིའི་ནང་ འབྲུག་ལས་ སྐྱེས་ལོ་༡༧ མན་ཆད་འབད་མི་ རྒྱལ་ཡོངས་ཨམ་སྲུའི་ཕུཊ༌བཱོལ་སྡེ་ཚན་གྱིས་ བཅའ་མར་གཏོགས་ཡོདཔ་ཨིན་པས། …

Leave a Reply

Your email address will not be published. Required fields are marked *