གསར་བསྒྲུབས་འབད་མི་ དམ་དུམ་བཟོ་གྲྭ་ས་ཁོངས་ཀྱི་ ཡིག་ཚང་།

དམ་དུམ་བཟོ་གྲྭ་ས་ཁོངས་ནང་ ལས་འགུལ་༢༡ ཆ་འཇོག་འབད་ཡོདཔ།

༉ བསྟན་རྒྱས་ལྷན་ཁག་འོག་གི་ བཟོ་གྲྭ་ལས་ཁུངས་ཀྱིས་ བསམ་རྩེ་ལུ་ཡོད་མི་ དམ་དུམ་བཟོ་གྲྭ་ས་ཁོངས་ནང་ ས་ཚན་༢༡ ལུ་ བགོ་བཀྲམ་འབད་ནི་སྦེ་ ཆ་འཇོག་གྲུབ་ཡོདཔ་ཨིན་པས།

འགོ་དཔོན་ཚུ་གིས་ སླབ་དོ་བཟུམ་འབད་བ་ཅིན་ མི་༣༡ གིས་ ས་ཚན་ཚུ་གི་དོན་ལུ་ ཡི་གུ་བཙུགས་ཡོད་རུང་ ནགས་ཚལ་དང་ སོ་ནམ་ཐོན་སྐྱེད་ དེ་ལས་ ཞབས་ཏོག་དང་འབྲེལ་བའི་ གྲོས་འཆར་བཙུགས་མི་ཚུ་ལུ་རྐྱངམ་གཅིག་ལུ་ ས་ཚན་ཚུ་ བགོ་བཀྲམ་འབད་ཡི་ཟེར་ཨིན་པས།

འབྲུག་འགྲེམ་ལས་འཛིན་གྱིས་ དོ་ཁང་དང་ བཅའ་སྒྲིག་དང་འབྲེལ་བའི་ ཞབས་ཏོག་བཙུགས་ནིའི་ གྲོས་འཆར་འབད་ཡོདཔ་ཨིན་པས།

ལས་ཁུངས་དེ་གི་ བཟོ་རིག་གཙོ་འཛིན་འགོ་དཔོན་ སྐལ་བཟང་བདེ་སྐྱིད་ཀྱིས་ སླབ་མིའི་ནང་ ཚོགས་ཆུང་གིས་ ས་ཚན་ཚུ་ འཕྲལ་ཁམས་ཅིག་ཁར་ བགོ་བཀྲམ་འབད་ཡི་ཟེར་ཨིན་པས།

ལས་ཁུངས་ཀྱིས་ བཙོག་རླུང་ཉུང་སུ་ཐོན་མི་དང་ གཙང་སྦྲ་ལྡན་པའི་འཕྲུལ་རིག་ལག་ལེན་འཐབ་མི་ ལས་སྣ་ཚུ་ལུ་ གོ་སྐབས་བྱིན་ཡོདཔ་ད་ གྲོས་འཆར་ལ་ལོ་ རང་བཞིན་གནས་སྟངས་སྡེ་ཕྲན་གྱིས་ ལྟ་ཞིབ་འབད་ནི་སྦེ་ བཞག་སྟེ་ཡོད་ཟེར་ མོ་གིས་བཤད་ཅི།

མོ་གིས་སླབ་མིའི་ནང་ གྲོས་འཆར་ལ་ལོ་ བཙོག་རླུང་གི་དཀའ་ངལ་འཐོན་ནི་ཨིནམ་ལས་ དེ་ཚུ་ མ་འོངས་པའི་ནང་ བལྟ་ནི་སྦེ་ བཞག་ཡི་ཟེར་ཨིནམ་ད་ ལས་འགུལ་དེ་ཚུ་ གྲོས་འདེབས་འབད་མི་དང་འཁྲིལ་ ཆ་འཇོག་འབད་འོང་ཟེར་ཨིན་པས།

ཀུན་བཟང་བདེ་སྐྱིད་ཀྱིས་ སླབ་མིའི་ནང་ ལས་འགུལ་དེ་གིས་ སོ་ནམ་ཐོན་སྐྱེད་དང་ཤིང་དང་འབྲེལ་བའི་ལས་འགུལ་ དེ་ལས་ སོ་ནམ་དང་འབྲེལ་བའི་ གྲོས་འཆར་ཚུ་ལུ་ གཙོ་རིམ་བྱིན་དོ་ཟེར་ཨིན་པས།

དེ་ལས་ ལས་ཁུངས་ཀྱིས་ ས་གཏེར་དང་འབྲེལ་བའི་ གྲོས་འཆར་བཙུགས་མི་༧ ཐོན་མི་ཚུ་ཡང་ མ་འོངས་པའི་ནང་ བལྟ་ནི་སྦེ་བཞག་ཡོདཔ་ད་ ས་ཚན་ཚུ་ཡང་ ཨེ་ཀར་༢.༢ ནང་ ཁྱབ་ཚད་ཡོདཔ་ཨིན་པས།

ད་ལྟོའི་གནས་ཚད་ནང་ བགོ་བཀྲམ་འབད་ནི་དེ་ དབྱེ་ཁག་དང་པ་རྐྱངམ་གཅིག་ གྲ་སྒྲིག་སོང་སྟེ་ཡོད་ཟེར་ འགོ་དཔོན་ཚུ་གིས་བཤད་པའི་ཁར་ ས་ཆ་ཨེ་ཀར་༢.༢ ནང་ ས་ཚན་ཁག་༤༢ ཡོད་ཟེར་ཨིན་པས།

ས་ཁོངས་དེ་ནང་ ལཱ་མང་ཤོས་ར་ མཇུག་བསྡུ་སྟེ་ཡོད་པའི་ཁར་ བཟོ་རིག་འགོ་དཔོན་ཚུ་གིས་ སླབ་མིའི་ནང་ འཐུང་ཆུའི་ལཱ་ཚུ་མ་གཏོགས་ ལཱ་གཞན་ཚུ་ མཇུག་བསྡུ་ཡི་ཟེར་ཨིན་པས།

ལས་ཁུངས་དེ་གིས་ འབྲུག་གློག་མེ་ལས་འཛིན་དང་གཅིག་ཁར་ཡང་ གློག་མེ་མཐུད་སྦྲེལ་འབད་ནིའི་དོན་ལུ་ ལཱ་ཚུ་གཅིག་ཁར་འབད་དོ་ཡོདཔ་ད་ ལས་འཛིན་གྱིས་ གློག་མེའི་མཐུན་རྐྱེན་ཚུ་བཙུགས་ཏེ་ ཚོང་འབྲེལ་འཐབ་མི་ཚུ་ལུ་ སྤྱོད་འཐུས་བཀལ་ནི་ཨིན་པས།

ཚོང་འབྲེལ་ཆོག་ཐམ་ཚུ་ བཟོ་ཐབས་ལུ་ ལས་ཁུངས་ཀྱིས་ ཚོང་འབྲེལ་བཙུགས་ནིའི་ གྲོས་འཆར་བཙུགས་མི་ཚུ་ལུ་ དུས་ཚོད་བྱིན་ཏེ་ཡོད་པའི་ཁར་ ཁོང་ཚུ་གིས་ ལས་སྡེའི་ཆོག་ཐམ་ཡང་ འཐོབ་དགོཔ་ཨིན་པས།

ལས་འགུལ་ཚུ་ ཆ་འཇོག་འབད་ཚར་བའི་ཤུལ་ལས་ ཚོང་འབྲེལ་ཆུང་བའི་བཟོ་གྲྭ་ཁང་ཚུ་ བཟོ་གྲྭ་ཁང་ཆུང་བ་དང་ བར་མའི་འོག་ལུ་ ཚུད་ནི་ཨིན་པས།

སྐལ་བཟང་བདེ་སྐྱིད་ཀྱིས་ སླབ་མིའི་ནང་ བགོ་བཀྲམ་གན་ཡིག་གུ་ མཚན་རྟགས་བཀོད་ནི་དེ་ཡང་ ཆ་འཇོག་ཚུ་འབད་བའི་ཤུལ་ལས་ འབད་འོང་ཟེར་ཨིནམ་ད་ ལས་འགུལ་ཚུ་ ཆ་འཇོག་འབད་ཚར་བའི་ཤུལ་ལས་ མི་ཚུ་གིས་ བཟོ་སྐྲུན་གྱི་ལཱ་ཚུ་ འགོ་བཙུགས་ཆོག་ཟེར་ཨིན་པས།

བཟོ་སྐྲུན་གྱི་ལམ་སྟོན་ཡང་ བཟོ་ཡོད་པའི་ཁར་ དེ་ཡང་ སྔོ་ལྗང་ས་ཁོངས་ཡང་ བཞག་དགོཔ་སྦེ་ཡོད་པའི་ཁར་ ཨ་ཆ་ཨེ་ཀར་༣༤༩ ཡོད་མི་ བཟོ་གྲྭའི་ས་ཁོངས་དེ་ སྤྱི་ལོ་༢༠༡༦ ལས་ ལཱ་འབད་ནི་འགོ་བཙུགས་ཡོདཔ་ཨིན་པས།

ལས་འགུལ་དེ་ཡང་ རྒྱ་གར་གཞུང་དང་གཅིག་ཁར་ དངུལ་ཀྲམ་ས་ཡ་༣༠༠ ཐོག་ལས་ འགོ་བཙུགས་ཡོདཔ་ད་ ལཱ་ཚུ་ མཇུག་བསྡུ་བའི་ཤུལ་ལས་ ས་ཚན་༧༧ འོང་ནི་ཨིནམ་ད་ དམ་དུམ་གཙང་ཆུའི་ ཉེ་འདབས་ཡོད་མི་ཚུ་ མཇུག་མ་བསྡུ་བར་ཡོདཔ་ ཨིན་པའི་གནས་ཚུལ།

About admin

Check Also

བག་ལྷོད་ཅན་ལུ་བརྟེན་ མིང་དོན་ལས་འགལ་བ་སོང་ཡོདཔ།

༉ འབྲུག་རྒྱལ་ཁབ་འདི་ ལོ་ངོ་བརྒྱ་ཕྲག་ལས་བཅད་དེ་ གངས་བར་ནང་གི་ཆུ་འཐུང་ སྤྲིན་བར་ནང་གི་ཉིམ་བསྲོ་སྟེ་ སྡོད་མི་ཅིག་ཨིན། དེ་མ་ཚད་ ནང་པའི་ཆོས་ཀྱི་སྲོལ་གཏོད་དེ་ མཁས་པ་དང་ སྒྲུབ་པ་ལྡན་པའི་ བླམ་མང་རབས་ཅིག་གིས་ རྒྱལ་ཁབ་བྱིན་གྱིས་རླབས་གནངམ་མ་ཚད་ ལྷག་པར་དུ་ཡང་ དུས་རབ་བརྒྱད་པའི་ནང་ རྟོགས་པ་ཕུལ་དུ་ཕྱིན་པའི་ …

Leave a Reply

Your email address will not be published. Required fields are marked *