དགེ་ལེགས་ཕུག་དང་ ཨ་སམ་གྱི་གཞུང་ལམ་ ལོག་སེལ་ཡོདཔ།

༉ སྤྱི་ཟླ་༨ པའི་ཚེས་༢༥ གི་ནུབ་མོར་ དགེ་ལེགས་ཕུག་ནང་འཁོད་གནམ་གྲུ་ཐང་གི་འོག་ལུ་ ཆུ་རྒྱ་ཆེཝ་སྦེ་ འཁྱིལ་ཡོད་པའི་རྫིང་དེ་ རྦད་ཡར་སོཔ་ལས་ རྒྱ་འབྲུག་གི་ ས་མཚམས་སྒོ་ར་ཁའི་ སྦོ་ལོགས་ཁར་ དགེ་ལེགས་ཕུག་-ཨ་སམ་གྱི་ གཞུང་ལམ་མི་ཊར་༡༠༠ དེ་ཅིག་ འཕྱགས་བདའ་མི་ལུ་བརྟེན་ སྣུམ་འཁོར་ཚུ་ ཕར་ཚུར་རྒྱུན་འགྲུལ་འཐབ་མ་ཚུགས་པར་ ཉིནམ་༡ གི་རྒྱབ་ལས་ ཇེ་སི་བི་འཕྲུལ་གླང་༢ དང་ ས་བརྐོ་འཕྲུལ་ཆས་༡ ལམ་སྙོམས་འཕྲུལ་ཆས་༡ དེ་ལས་ སྣུམ་འཁོར་ཊི་པར་ཊཱག་༡༠ གྱིས་ ཉིནམ་ཧྲིལ་བུ་ལཱ་འབད་བའི་ཤུལ་ལུ་ ཁ་ཙ་དྲོ་པར་ གཞུང་ལམ་དེ་ སེལ་ཡོདཔ་ཨིན་པས།
སྦོམ་ཆུང་ཕུཊ་བཱོལ་རྩེད་ཐང་བཟུམ་ཅིག་ཡོད་མི་ ཆུ་རྫིང་དེ་ནང་ ཆུ་མི་ཊར་༣༨,༠༠༠ ཤོང་ཚུགས་ནི་ཨིནམ་ད་ དེ་གི་ཧེ་མར་ ཆུ་རུད་ལན་ཐེངས་༥ ཐོན་མི་ཚུ་ག་ར་ ཆུ་རྫིང་ནང་ འཛུལ་མི་ལུ་བརྟེན་ ཆུ་རྫིང་རྦད་སོང་ཡོད་པའི་གནས་ཚུལ།