ཀུན་གསལ། – རྒྱལ་ཡོངས་ཉིན་བསྟར་གསར་ཤོག།
མི་སྡེ་ཚུ་ནང་ རྩོད་རྙོགས་ཐོནམ་ད་ ནང་ཁ་ནང་འགྲིགས་ཐོག་ལས་ དོན་སྨིན་ཅན་སྦེ་ སེལ་ཐབས་ལུ་ རྒྱལ་ཁབ་ནང་འཁོད་ཀྱི་ ས་གནས་གཞུང་གཉིས་པའི་ དམངས་མི་དང་ ཚོགས་པ་ཚུ་གི་དོན་ལུ་ གོ་རིམ་༢ པའི་ སྦྱོར་བརྡར་ལས་རིམ་དེ་ འགོ་བཙུགས་ཡོད་མི་དེ་ཡང་ ཉིན་གྲངས་༣ འབད་མི་ སྦྱོང་བརྡར་དེ་ ཁ་ཙ་ ཧཱ་ལུ་སྦེ་ འབྲུག་རྒྱལ་ཡོངས་ཁྲིམས་དོན་གཙུག་སྡེའི་གཙོ་འཛིན་ མི་དབང་རྒྱལ་པོའི་སྲསམོ་ བསོད་ནམས་བདེ་ཆེན་དབང་ཕྱུག་མཆོག་གིས་ འགོ་འབྱེད་གནང་ནུག། ནང་ཁ་ནང་འགྲིགས་ཀྱི་ སྦྱོང་བརྡར་ནང་ ཧཱ་རྫོང་ཁག་ལས་ བཙག་འཐུ་གྲུབ་མི་ དམངས་མི་༦ དང་ ཚོགས་པ་༣༠ སྤ་རོ་རྫོང་ཁག་ལས་ དམངས་མི་༦ དང་ ཚོགས་པ་༤༥ གིས་ བཅའ་མར་གཏོགས་ཏེ་ཡོདཔ་ད་ གོ་རིམ་༢ པའི་ནང་ རྒེད་འོག་༢༠༥ ནང་ལས་ བཙག་འཐུ་གྲུབ་མི་ དམངས་མི་༡༣༥ དང་ ཚོགས་པ་གསརཔ་༨༡༣ འབདཝ་ད་ ས་གནས་གཞུང་གི་ འགོ་ཁྲིདཔ་བསྡོམས་༩༤༨ ལུ་ སྦྱོང་བརྡར་བྱིན་ནི་ཨིན་པའི་གནས་ཚུལ།
