ཀུན་གསལ། – རྒྱལ་ཡོངས་ཉིན་བསྟར་གསར་ཤོག།
ཁ་ཙ་ རྒྱལ་གཞུང་ཞི་གཡོག་ལྷན་ཚོགས་ཀྱི་ཁྲི་འཛིན་ དྲགོས་ཀརྨ་ཚུལ་ཁྲིམས་ཀྱིས་ རྒྱལ་ཡོངས་ས་ཆ་ལྷན་ཚོགས་ཀྱི་ ཨི་སི་ཊི་ཟེན་ པོར་ཊཱལ་ཟེར་མི་ བརྡ་དོན་ཡོངས་འབྲེལ་ཐོག་ མི་སེར་ལུ་ ཞབས་ཏོག་ཞུ་ནི་གི་ ཡོངས་འབྲེལ་འཆར་སྒོ་ འགོ་འབྱེད་གནང་ནུག།
ཡོངས་འབྲེལ་ཞབས་ཏོག་དེ་ཡང་ ཁྲོམ་སྡེ་ཚུ་ནང་ རྒྱུ་དངོས་བདག་དབང་སྤོ་སོར་ཚུ་ བརྡ་དོན་ལམ་ལུགས་ཐོག་ལས་ ཕན་ནུས་ཅན་སྦེ་ འབད་ནི་གི་ ཕན་ཐབས་ལུ་ བཟོ་ཡོདཔ་ད་ རྒྱལ་ཡོངས་ས་ཆ་ལྷན་ཚོགས་ཀྱི་དྲུང་ཆེན་ པདྨ་ཚེ་དབང་གིས་ བཤད་མིའི་ནང་ རྒྱལ་ཡོངས་ས་ཆ་བསྐྱར་འཇལ་ལས་རིམ་ཐོག་ལས་ བསྡུ་སྒྲིག་འབད་མི་ བརྡ་དོན་འཕྲུལ་རིག་དང་ ས་ཁྲམ་གནས་སྡུད་ཚུ་ལུ་བརྟེན་ ཡོངས་འབྲེལ་གྱི་ ཞབས་ཏོག་གཞི་བཙུགས་འབད་ཚུགས་ཅི་ཟེར་ཨིན་པས།
ཡོངས་འབྲེལ་ཞབས་ཏོག་དེ་གི་ཐོག་ལས་ ས་ཆ་འཛིན་སྐྱོང་ལམ་ལུགས་དེ་ དྭངས་གསལ་དང་ འཇོན་ཐངས་ཅན་ ཕན་ནུས་ཅན་ བཟོ་ཚུགས་པའི་ རེ་བ་ཡོདཔ་ཨིན་པའི་གནས་ཚུལ།
