ཀུན་གསལ། – རྒྱལ་ཡོངས་ཉིན་བསྟར་གསར་ཤོག།
ད་ལས་ཕར་ འགྲུལ་འཕྲིན་ནང་ བརྡ་དོན་ཡོངས་འབྲེལ་གྱི་ མཐུན་རྐྱེན་ཡོད་མི་ གང་རུང་གིས་ ཡོངས་འབྲེལ་རིམ་ལུགས་གསརཔ་༢ ཀྱི་ཐོག་ལས་ འབྲུག་གི་གནས་ཚུལ་དང་ ལས་རིམ་ཚུ་ ཐོབ་སྤྱོད་འབད་ཚུགས་ནི་ཨིན་པས།
དེ་ཡང་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་དང་ སུ་ཡིསི་གོང་འཕེལ་མཉམ་འབྲེལ་གྱིས་ མ་དངུལ་གྲོགས་རམ་ཐོག་ལུ་ འབྲུག་བརྡ་བརྒྱུད་གཞི་ཚོགས་ཀྱིས་ བྷུ་ཏཱན་ནིའུསི་(Bhutan News) དང་ རེ་ཌིའོ་ལ་(Radiola) རིམ་ལུགས་གཉིས་ཀྱི་ཐོག་ལས་ རྫོང་ཁའི་ཀུན་གསལ་གསར་ཤོག་བརྩིས་ཏེ་ གནས་ཚུལ་གསར་ཤོག་༩ དང་ སྒེར་གྱི་རེ་ཌིའོ་ལས་ཁང་༣ གྱི་ ཡོངས་འབྲེལ་འཆར་སྒོ་བཟོ་བཀོད་འབད་མི་ཚུ་ སྤྱི་ཟླ་༦ པའི་ཚེས་༢༩ ལུ་ གསར་བཏོན་འབད་ཡོདཔ་ད་ གནས་ཚུལ་གསར་ཤོག་ཚུ་ ཡོངས་འབྲེལ་འཆར་སྒོའི་ རྒྱུན་ལམ་གཅིག་གི་ཐོག་ལས་ ཐོབ་སྤྱོད་འབད་ཚུགས་ནི་ ཨིན་པའི་གནས་ཚུལ།
