ཀུན་གསལ། – རྒྱལ་ཡོངས་ཉིན་བསྟར་གསར་ཤོག།
སྤྱི་ཟླ་༩ པའི་ཚེས་༡༦ ལུ་ བཀྲིས་གཡང་རྩེ་ བཙན་མཁར་ལ་སློབ་གྲྭ་ལྟེ་བའི་ནང་ སྐྱ་བཏོག་ཐངས་ཀྱི་ ལས་རིམ་ཅིག་ འགོ་འདྲེན་འཐབ་སར་ རྫོང་ཁག་གི་ སློབ་གྲྭ་༢༨ ལས་ དབུ་འཛིན་དང་ སློབ་ཕྲུག་ དེ་ལས་ སློབ་གྲྭ་ནང་ལས་ ཐོན་སྡོད་མི་འབདཝ་ད་ མི་གྲངས་༨༥ གིས་ བཅའ་མར་གཏོགས་ཡོདཔ་ཨིན་པས།
བཀྲིས་སྒང་ལས་ སྐྱ་བཏོག་མི་ ཨྱོན་དི་པག་གིས་ ཁས་བླངས་ཐོག་ལས་ སློབ་ཕྲུག་ཚུ་ལུ་ སྐྱ་བཏོག་ཐངས་དང་ གྱིམ་ཙི་ སྐྱ་གྱི་ མགུ་ཤད་ལག་ལེན་འཐབ་ཐངས་ཚུ་ སྟོན་བྱིན་ཡོདཔ་མ་ཚད་ སྐྱ་བཏོག་པའི་སྐབས་ གཟུགས་ཁམས་འཕྲོད་བསྟེན་ལུ་ གནོད་ཉེན་དང་ འདི་བཟུམ་མའི་ ལཱ་འབད་བ་ཅིན་ འབབ་ཁུངས་ཚུ་ཡང་ བཟོ་ཚུགས་པའི་སྐོར་ གསལ་བཤད་འབད་ནུག།
སྤྱི་ཟླ་༩ པའི་ཚེས་༡༥ ལུ་ བཀྲིས་གཡང་རྩེ་བཟོ་རིག་སྤེལ་ཁང་ནང་ཡང་ སྐྱ་བཏོག་ཐངས་ཀྱི་ སློབ་སྦྱོང་ལས་རིམ་ འགོ་འདྲེན་འཐབ་ཡོདཔ་མ་ཚད་ སྤྱི་ཟླ་༩ པའི་ཚེས་༡༧ ལུ་ རང་འབྱུང་སློབ་གྲྭ་ལྟེ་བའི་ སློབ་ཕྲུག་༥༠ དེ་ཅིག་ལུ་ཡང་ སྦྱོང་བརྡར་བྱིན་ཡོད་པའི་གནས་ཚུལ།
