ཁྲིམས་སྡེའི་དྲང་དཔོན་དང་ རྩོད་དྲུང་ཚུ།

ཁྲིམས་སྡེའི་དྲང་དཔོན་དང་ རྩོད་དྲུང་ཚུ་ལུ་ འཁྲུན་ཆོད་འབྲི་ཐངས་ཀྱི་ སྦྱོང་བརྡར་བྱིན་དོ་ཡོདཔ།

༉ བུམ་ཐང་ལུ་ ཉིན་གྲངས་༤ གི་རིང་ འགོ་འདྲེན་འཐབ་མི་ འཁྲུན་ཆོད་འབྲི་ཐངས་དང་ རྩོད་དོན་འཛིན་སྐྱོང་ལམ་ལུགས་ཀྱི་ སྦྱོང་བརྡར་ལས་རིམ་དེ་ ཁ་ཙ་ མངོན་མཐོ་ཁྲིམས་འདུན་གྱི་ ཐོ་འཛིན་ཡོངས་ཁྱབ་ དྲང་དཔོན་ཚེ་རིང་རྡོ་རྗེ་གིས་ འགོ་འབྱེད་འབད་ཡི།
སྦྱོང་བརྡར་ལས་རིམ་དེ་ཡང་ དབུས་ཕྱོགས་རྫོང་ཁག་ཚུ་གི་ དྲང་དཔོན་དང་ རྩོད་དྲུང་ཚུ་གི་དོན་ལུ་ འགོ་འདྲེན་འཐབ་ཡོདཔ་ད་ སྦྱོང་བརྡར་དེ་ནང་ དྲང་དཔོན་དང་ དྲང་དཔོན་རབ་འབྱམས་ རྩོད་དྲུང་༤༠ དེ་ཅིག་གིས་ བཅའ་མར་གཏོགས་ཏེ་འདུག།
ནུབ་ཕྱོགས་ལུང་ཕྱོགས་ཀྱི་དོན་ལུ་ སྤ་རོ་ལུ་སྦེ་ འགོ་འདྲེན་འཐབ་མི་ སྦྱོང་བརྡར་དེ་ ཁ་ཙ་ མཇུག་བསྡུ་ཡོདཔ་ད་ ཤར་ཕྱོགས་ལུང་ཕྱོགས་ཀྱི་དོན་ལུ་ མོང་སྒར་ལུ་སྦེ་ རེས་གཟའ་མིག་དམར་ལས་ འགོ་བཙུགས་ནི་ཨིན་པས།
སྦྱོང་བརྡར་ལས་རིམ་དེ་ཡང་ མངོན་མཐོ་ཁྲིམས་འདུན་དང་ འབྲུག་རྒྱལ་ཡོངས་ཁྲིམས་དོན་གཙུག་སྡེ་༢ མཉམ་འབྲེལ་ཐོག་ལས་ འགོ་འདྲེན་འཐབ་ཡོདཔ་ད་ དེ་གི་དོན་ལུ་ ཨཱསི་ཊི་ཡཱན་གོང་འཕེལ་མཉམ་འབྲེལ་ལས་སྡེ་གིས་ མ་དངུལ་རྒྱབ་སྐྱོར་འབད་ཡོད་པའི་གནས་ཚུལ།

About admin

Check Also

སྤྱི་གཡོགཔ་ཚུ་ གནས་སོར་དང་ དགོངས་ཞུའི་སྐབས་ སྒེར་དོན་ཅ་ཆས་སྐྱེལ་འདྲེན་གྱི་ གླ་ཆ་འདྲ་མཉམ་སྦེ་ འཐོབ་ཚུགས་ནི།

༉ ཧེ་མར་ སྤྱི་གཡོགཔ་ཚུ་ གནས་སོར་དང་དགོངས་ཞུའི་སྐབས་ སྒེར་དོན་ཅ་ཆས་སྐྱེལ་འདྲེན་གྱི་ གླ་ཆ་ཚུ་ གནས་རིམ་དང་འཁྲིལ་ཏེ་ མ་འདྲཝ་སྦེ་ ཐོབ་དོ་ཡོད་མི་དེ་ ད་ལས་ཕར་ ཤོ་མཚུངས་སྦེ་ འཐོབ་ཚུགས་ནི་ཨིན་པས།དེ་ཡང་ རྒྱལ་ཡོངས་ཚོགས་འདུའི་ནང་ འབྲུག་གི་དངུལ་ཕོགས་སྒྲིག་བཀོད་གཞི་སྒྱུར་དཔྱད་ཡིག་༢༠༢༢ ཅན་མའི་གུ་ …

Leave a Reply

Your email address will not be published. Required fields are marked *