ཁྱེད་རའི་ རྒྱལ་ཡོངས་ཚོགས་འདུའི་ འདེམས་ངོ་ཤེས་དགོཔ།

བསམ་རྩེ་ རྡོ་ཕུག་ཅན་- རྟ་སྡིངས།

ལོག་ནཱཐ་ ཤར་མ།
སྐྱེས་ལོ་༤༨།
ཤེས་ཚད་ དཔལ་འབྱོར་ནང་མཐོ་རིམ་གོང་མ་དང་ མི་སྡེ་ཞབས་ཏོག་ནང་ ཌིབ་ལོ་མ།
ཉམས་མྱོང་ ལོ་ངོ་༡༧ གྱི་རིང་ ལམ་འགྲུལ་ཉེན་སྲུང་དང་སྐྱེལ་འདྲེན་དབང་འཛིན་ནང་ སྐྱེལ་འདྲེན་འཆར་གཞི་དང་ལུང་ཕྱོགས་འགོ་འཛིན། མི་སྡེ་དཔལ་འབྱོར་གྲོས་སྟོན་པ་དང་མི་སྡེའི་ལཱ་འབད་མི།

ཁྱོད་རའི་སྐོར་ལས་ ཚིག་ཐེངས་༣ ནང་སླབ?
ག་ཅི་ཨིན་རུང་ འབད་ཚུགས་པའི་བློ་སྟོབས་ཅན།

ཁྱོད་རའི་འདེམས་ཁོངས་ནང་ གཙོ་རིམ་ག་ཅི་བཟུང་ནི?
སོ་ནམ་གོང་འཕེལ་དང་གསོ་བ་དང་ཤེས་རིག་ དེ་ལས་ འདེམས་ཁོངས་ན དཔལ་འབྱོར་ལུ་བརྟེན་པའི་མི་སྡེ་བཟོ་ནི།

ད་རེས་ཀྱི་བཙག་འཐུ་ནང་ལས་ ཁྱོད་ཀྱིས་དགའ་མི་དང་ མ་དགའ་མི་རེ་སླབ?
ག་ར་དགའ་བས། ཉམས་མྱོང་ཡ་མཚན་ཅན་ཐོབ་ཅི། མ་དགའ་མི་ག་ཅི་ཡང་མེད།

ཁྱོད་ཀྱིས་འབད་བ་ཅིན་ རྒྱལ་ཁབ་ཀྱི་དོན་ལུ་ གདོན་ལེན་སྦོམ་ཤོས་ར་ ག་ཅི་འདུག?
ལཱ་གཡོག་གི་དཀའ་ངལ།

མི་ཚུ་གིས་ ཁྱོད་ལུ་ཚོགས་རྒྱན་བཙུགས་དགོ་པའི་ གནད་དོན་གསུམ་སླབ?
ང་ལུ་ ཉམས་མྱོང་ཡོད་པའི་ཁར་ ཚོགས་རྒྱན་བཙུགས་ནིའི་དོན་ལུ་ ང་ར་ མི་ངོ་འོས་ལྡན་ཨིན། ང་གིས་མི་སེར་ཚུ་དང་གཅིག་ཁར་སྡོད་དེ་ ཁོང་གི་དཀའ་ངལ་ཚུ་ ཉན་ཡོད། ང་ར་ མི་སྡེའི་ཞབས་ཏོག་དང་མི་སྡེ་ལུ་ སྤྲོ་བ་ཡོད་མི་ཅིག་ཨིན།

ཁྱོད་ར་རྒྱལ་ཁ་འཐོབ་པ་ཅིན་ འགོ་དང་པ་ར་ ག་ཅི་འབད་ནི་སྨོ?
འདེམས་ཁོངས་ནང་ལོག་སོང་སྟེ་ བཀྲིན་དགའ་ཚོར་བསམ་ནི།

མི་སྡེ་བརྡ་བརྒྱུད་ བཙག་འཐུ་ནང་ ཕན་གནོད་ག་དེ་སྦེ་འདུག?
མི་སེར་ཚུ་ལུ་ གོ་བརྡ་སྤྲོད་ནིའི་དོན་ལུ་ ཕན་ཐོགས་འདུག།

About admin

Check Also

ནང་འཁོད་ལས་ ཕག་ཤའི་མཁོ་འདོད་བཀོད་མི་ གངམ་མེད་ནི་དེ་གིས་ ཕགཔ་གསོ་སྐྱོང་འབད་མི་ཚུ་ ཚ་གྱང་ལང་སྟེ་ཡོདཔ།

༉ ཕགཔ་གི་ལྟོའི་གོང་ཚད་ཡར་སེང་འགྱོ་མི་དང་ ནང་འཁོད་ལས་ ཕག་ཤའི་མཁོ་འདོད་བཀོད་མི་མར་བབས་འགྱོ་མི་ དེ་ལས་ སྐྱིན་འགྲུལ་བཏབ་མ་ཚུགས་པའི་ གནད་དོན་ཚུ་ལུ་བརྟེན་ རྩི་རང་དང་ དར་དཀར་ནང་ དེ་ལས་ གསར་སྤང་གི་ ཕགཔ་གསོ་སྐྱོང་འབད་མི་ སོ་ནམ་པ་ཚུ་ ཚ་གྱང་ལང་སྟེ་ཡོདཔ་ཨིན་པས། དེ་ཡང་ …

Leave a Reply

Your email address will not be published. Required fields are marked *